حيدر عبد الائمه رهيب ومنهجي❤️ ... وتلحك اكيد وحتلو تتاخر عادي مو مشكلة❤️❤️

فدوة تدللون ❤️❤️ ، بس حالياً مربعة ب استقبال بيتنه مو بغرفتي بس هم ميخالف😂❤️

ماعرف منو گايللكم لازم الفصل يكمل بيوم واحد :/ يجماعة هاي قابليات وقدرة تختلف من شخص لشخص ، أنـتِ عدج عقل وقابلية وقدرة وذكاء ونسبة معينه من فهمج للماده تختلف عن شخص يكمل بيوم او يكمل ب ٥ . تاخري بالفصل الواحد اكثر من ٣ ايام وين المشكلة ؟ أنـتِ هسه دتقرين وزاريات وامثله وتمارين واسئلة فصل وضيم ودنيا واكو فصول طويله او صعبه لازم تتاخرين بيها ومتعبرين ورقه اذا مفاهمتهه ، بعدين ليش احس دتطفرين من ماده لماده والوضع مليوص وممناسبج؟

الوزاري مو حتى تعرفين تحلين كلشي صح! الوزاري حتى تتاكدين من قرايتج واذا فايتج شي تغلطين وتتعلمين من غلطج ( أنـتِ هسه بمرحلة اغلطي وعرفي غلطج وتعلمي منه )

اني عن نفسي اخذ لان عندي نقص ( رحت دكتور حلتت وصفلي ع حسب نقصي ) بس اذا قصدكم انو تخلي الواحد يدرس اكثر ماكو هيج سوالف . لو عدك اعراض نقص وتراجع وتاخذ بوصف دكتور لو عداها اهتم برياضة والاكل وشرب المي و العب رياضة والوضع لوز 👍🏻

اويلي يالخامس اويلي عدكم قلق نفسي اكثر من طالب السادس نفسة ( استوعبوا شغله كل ما يتاخر العام الدراسي العالي يتاخر الجاي ! وكل ما ينتهي من وقت يبدي الجديد من وقت ) ولنفرض بحالة ما اخذتوا عطلة صيفية ترا كلش عادي وتلحكون تقرون بفتره المدرسة والاوضاع طيبه ! هواي طلاب ولله العظيم مقروا كلمه بالعطله الصيفيه وجابوا معدلات وناس ادك مثل المطي من رابع اعدادي ومجابوا ! ف ماعرف ليش خالين ابالكم شغلتين ( خصوصي + تبدي من وقت = طالب الاول ع كوكب ) اذا أنـتِ ضابطه اساسيات الخامس الي تحتاجيها بالسادس اني أگـلچ ابدي من هسه اقري سادس عادي بس مال تعبرين بدون اساسيات متكدرين بلاخص الرياضيات فصلين كاملات ومهمات معتمدين ع خامس ... ف أنـتِ بعد اختاري وعدج يوتيوب وقنوات تلي تجهزج بالمواد والملازم والكتب ❤️🥺

مو خطأ اذا جنتي متاكده من صداقتها وهي فعلا صديقة تريدلج الاحسن ! لان اذا من ذني الخبيثات ف تخليج تدرسين اقل ع امل انو أنـتِ وياها ماشين سوه وتلحكون وهي تسج اكثر 🤔 ، يمكن حتكولين شهلحجي و السلبية وسوء الضن بس اني داكلج عن واقع تجربة وهلشي موجود بالبنات هواي ! ف احذري و اهم شي تسوين جدول وتعرفين شوكت تنتهين و خليها مجرد حافز حتى تحفظين انو تلتزمين واذا سختت لسختين وياها

فقط كتاب وتمارين ووزاريات ! مرات اقره بس مجرد اخذ فكرة وهلشي قليل جداً تركيزي ع الكتاب اكثر

ما انطي وجهه نظر واربك الطلاب نعوفها للوكت خل نركز ع دراسة افضل

هو مگال ( قطع ناقص واحدى بؤرتيه هي بؤرة القطع المكافئ ) كال يمر ومعناها اما هالنقطه رأس او قطب 💚