Tareq Ab. Amawi | طارق عبدالله عماوي | ??

اخر نقطة باختصار : انه من سياق الحكي انتي بتحاولي تقنعي حالك انه الاشي اللي صار بينكم كان مجرد اعجاب واشي عقلي بس بالتالي بنهاية اجابتي هاي رح تكتشفي انك حرفيا مش فاهمه الوضع بصورة كاملة ولا قادرة تتخذي قرار يخص العلاقة ككل .. ..................................................................................................................... الحب الواعي ما بيجي بين يوم وليلة ولا موقف ولا شهر ولا شهرين بخصوص موضوع انه بصير الشخص مش قادر يقدم اي اشي هالاشي صحيح 100% وموجود بس المفروض لما يوصل الشخص لهيك وضع المفروض يكون الطرف المقابل مقدر هالاشي وما بهزه ولا بنهي العلاقة بأي حجة او بناء على توصيات خارجية او " داخلية " عائلية " " لانه هيك بدل ع انه الشخصية صفر اذا قرار مثل هيك مش قادره تتخذي قرار وموقف .. ..................................................................................................................... بخصوص انه لو عرفت حدا وكان بعدين عندها صفات ثانية او سلوكيات مختلفة وانه هالسؤال لدعم نظرية العقل والمنطق هذا اسلوب بأكد اول شي حكيته انه بدك تحولي القضية كاملة انه كانت بس عقل ومنطق والحكم الاساسي فيها عقل ومنطق بس ف اذا ما كان العقل معطي اوك معناته ما فيه اشي !! بس ك جواب للسؤال بقدر احكي اه بقبل لانه كل حدا مجبر يتقبل عيوب الشخص قبل ايجابياته ولما نحكي علاقة متقدمة وفترة مش قصيرة هالامور بتكون واضحة من اول كم لقاء بالتالي السؤال كله مش منطقي يعني مش منطق بعد سنة مثلا اكتشف انه بتهتم بالشكليات وبس !! .. ..................................................................................................................... الثقة التامة ؟ نعم .. ..................................................................................................................... الشخص ابدا ما كان اختيار عقل لما تحكي مصطلحات : " شعور " هل الشعور بيجي عن طريق العقل ؟ .. " الارتياح " هل الارتياح بكون عن طريق العقل ؟ .. " الثقة التامة " بتكون عن طريق العقل ؟ مستحيل اذا بدك تفكر بشخص ما رح توصلي ل اشي اسمه ثقة تامة هذا الاشي بيجي بعد اول مصطلحين انه جواتك بحكي هذا الشخص غير وعندي استعداد اعطيه اي شي .. وهذا الحكي ينطبق عالاسئلة اللي سألتهم اللي طبعا اجابتهم " لاااااا " .. ..................................................................................................................... بخصوص التواصل الروحي اللي بيتلخص انه بتكون حاس باللي بصير مع الشخص الاخر من خير او شر او حزن او ضيق والاشي بيوصلك هذا بدل ع عمق الاشي اللي بينكم وانه تعدى ووصل اعلى مراحل الحب والوفاء وبيلغي فكرة انه الاشي من العقل بس !! ..................................................................................................................... نهاية الامر وخلاصته اذا ما وصلتي لمرحلة تتحدي قرارك وما تلاقي سبل لتضحكي حالك قبل ما تضحكي عاللي حواليكي وتقنعي الناس بأمور انتي اصلا مش مقتنعة فيها معناته انتي لسى عندك مشكلة والتناقض هذا بوصلك لمرحلة ما تتخذي اي قرار ولا تعرفي تعملي اشي ورح تتحولي لمرحلة تنفذي فيها الامور بدون حتى ما تفكري .. ..................................................................................................................... واذا الان الوضع طلعات وسهرات سوا ويوخذه بطريقه ويوصله ويستنى ع باب الدار وما بدك تعترفي بالحقيقة ل اخوكي معناته ما بستبعد بعد الحكي يتطور الوضع لنسب وعيلة ..

0

Like