لا تعطي نفسك طاقه سلبيه ( صعب - ومني قادره عليه ) التحضيري نفس مواد الثانوي بس بشويه توسع وبالانجليزي وكل شئ في البدايه صعب لانو جديد علينا بعد فترة حتتعودي على الوضع واكيد احنا قادرين نجتهد فيه ونبذل مجهود ونعطيه من وقتنا وهوا حيسهل معانا باذن الله اتاكدي ربنا ما يحطك في مكان الا وانتي قادره عليه والتحضيري سنه مهمه تحدد مصير مستقبلك ف اعطيها بكل ما اتاكي الله من قوة . بالتوفيق 🤍

رِفاد * اعتذر بس ما فهمت السؤال التوفيق في ايش بزبط ؟

معقوله 😂😂😂سؤال غريب إجابتي حتفيد في ايش ؟ اكيد في ناس تحبني وحتفتقد وجودي واوتار القلب تهز بالأشواق ليا😂❤️

ايوا الحمد لله نتبادل الاحاديث والضحكات 🤍 الحياة جزء من الصحبة والصحبة جزء من الحياة

ليه يا قلب رفاد زعلانه من المذاكره وله المذاكره مزعلتك 😂 لازم تقعدي مع نفسك وتشوفي ايش المشكله واكيد ليها حل يعني هل هوا شي نفسي وله تواجهي صعوبه في ماده معينه … تعالي Dm نتفاهم

شكراً للطافتك آمين يارب ❤️ ولك بالمثل

ابشري ما طلبتي شي يارب ان لي عندك حلم اللهم إني عاهدت نفسي ان يكون واقعاً ربي استودعتك ما اطمح إليه فقل له كن فيكون - الله طيب خاطري بما يسرني اللهم حقق حلمي في مستقبلي - يارب إليك رفعت حاجتي وانت اعلم بحاجتي فيسر ولا تعسر وعجل ولا تؤجل وبارك و وفق وطمئن قلبي - اللهم إني اسألك توفيقاً في طريقي وراحه في نفسي و تيسيراً لي امري - اللهم ما اخشاه ان يكون صعباً هونه وما اخشاه ان يكون عسيراً يسره . اللهم ارزقني قوه الحفظ وسرعه الفهم وصفاء الذهن والهمني الصواب في الجواب وبلغني اعلى المراتب في الدنيا والأخره - اللهم لا سهلا الا ما جعلته سهلا وانت تجعل الحزن ان شئت سهلا - يارب اشرح لي صدري ويسير لي امري واحلل عقده من لساني يفقه قولي واشدد من ازري وبارك لي في علمي - اللهم إني استودعتك ما حفظت وما قرات وما تعلمت فرده لي عند حاجتي إليه انك على كل شي قدير . ( اللهم قوة الإرادة لا وهن العزم ، ولذة الإنجاز لا مرارة الإخفاق - ودهشة الحياة لا رتابة الشعور )❤️

تعالي DM

الأسبوع الجي والي بعدو عندي كويزات باذن الله وقاعده اتدرب اني اقفل السوشل ميديا كم ساعه عشان انجز 🤸‍♀️😅

اذكري الله طيب 😅 رتبي يومك نامي بدري واصحي بدري اقري اذكارك وصفحه من القرآن جددي نيتك في طلب العلم واسالي الله البركه في الوقت وسرعه الإنجاز رتبي اهداف يومك ودونيها في ورقه وحطي لي كل هدف قد ايش يحتاج وقت لي انجازه ذاكري اول محاضره وقفلي برامج السوشل ميديا من screen time وبين كل محاضره خدي بريك ١٠ دقايق جددي طاقتك وكدا الي ان تنتهي مهامك حاولي تبعدي عن اي شي يشغلك ويعيقك وكدا حتنجزي اسرع بعدها تقدري تاخدي وقت لي نفسك سوا على الجوال او تقعدي مع اهلك حاولي توازني وتعطي كل دي حق حقه . واهم شي لا تؤجل عمل اليوم الي الغد لا تراكمي محاضرات الضغط النفسي يؤثر اما جانب الخرجات ف اتغير صراحه بعد ما دخلت طب سرت مقيده اكتر ومهامي تحتاج وقت اطول سرت اخرج يوم واحد في الأسبوع كم ساعه على مبداا الترفيه عن النفس .