أبتهال العنزي | صارحني

كل شي بالحياة له ايجابيات وسلبيات حتى التؤام لهم ايجابيات وسلبيات التؤام حلو كشكل تشوفين أثنين نفس بعض تقولين كيوت ويهبلون وبعدين دايم التؤام ملفتين للنظر اذا حضرنا مناسبة الناس تناظر فينا نظرات استغراب وكانه شي غريب بس انا اشوفه عادي مفروض تعودو علينا ومن سلبيات كتؤام وحياة أنا عشتها مافيه استقلالية بحياتنا يعني مانقدر ننفصل عن بعض وكل وحده تعيش حياتها بالطريقه اللي تعجبها بعدين سبحان الله من ربي لو بقسى على تؤامي واعاملها عادي وربي ماقدر قلبي ما يطاوعني وغير احساسنا ببعض اذا تعبت وحده الثانيه تتعب انا اكثر شي يتعبني الإحساس لان الشخص يلا يتحمل إحساسه بنفسه كيف شخصين حياة التؤام صعبه لتفكرونها سهله وغير كذا يجي واحد من التؤام متعلق بتؤامه تعلق قوي وفيه اشياء كثير ماتكلمت عنها بس بالنهاية أنا شخصياً أتمنى ماعندي تؤام وعشت مثلكم انتم الناس العاديين لان شعور التؤام متعب ونقطه ضعفك ودايم تفكر بتؤامك لان الحين انا نظرتي وحبي لخواتي وتعلقي فيهم غير عن تؤامي يختلف تماماً وبس وسلامتكم 🤍 ان شاء الله شرحي واضح ولا يبي له شرح😂

أعجبني

0 تعليق

من عرفتس وشعرتس اشقر ما يخرب من كثر ماتصبغينه

مجهول

منذ سنتين

أبتهال العنزي

يقال أن ذكر الله زين😊 بعدين أنا مو دايم أشقر مرات من درجات البني الفاتح بس أنا من ربي خلقني ما أحب الشعر الأسود علي لان يخليني حيل بيضاء أحب الأشقر ودرجات البني تليق علي أكثر وأحب شكلي فيهم وبعدين أنا طبيعة شعري كثيف وعادي يتقبل الصبغات بس برضو لاتنسين العنايه أنا ما استخدم والله الا بلسم للشعر وبديل الزيت وكلهم عند صيدلية الدواء وأستخدمي أنتي أي براند ناسب عليك ولا تنسين لازم الشامبو للشعر المصبوغ ونفس براند البلسم وبديل الزيت وبس

أعجبني

0 تعليق

الله يسعد مساكم امممم والله ماعندي شي بس حبيت اسلم عليك واقولك الله يسعدك ويحفظك ويحقق لك جميع امانيك يارب🌹

مجهول

منذ سنتين

أبتهال العنزي

ياهلا والله اللهم امين يارب ويسعدك مثل ما اسعدتني أو اسعدتيني بالدعاء الجميل جزاك الله خير ♥️♥️♥️

أعجبني

0 تعليق

بي مر بعرف ليش اجلتي الترم وانتي مصطفى بالدراسه

مجهول

منذ سنتين

أبتهال العنزي

مدري ليش أحسك من بنات عمي😂 المهم بريحك وأجاوبك عادي أحياناً يمر الأنسان بحالة بياخذ فيها بريك من كل شي بالحياة ويرتاح لان تعب مو إني مصطفى على قولتك ومتفوقه بظل كل حياتي كذا اكيد بتعب وبعدين كل شي ملحوق عليه اللي ما اخلصه الحين اخلصه بعد سنه الدنيا مو طايرة وبعدين ماقعدت وتعبت وصلت معدل ممتاز واخسره بلحظة اكون منضايقه ما ابي اقرا فيه حل اني آجل الترم وارتاح وش فيها يعني مافيها شي بس ماشاء الله عليك نبي نرجع نداوم وانتي باقي بتعرفين ليش اجلت الترم😂

أعجبني

0 تعليق

حبيتي

مجهول

منذ سنتين

أبتهال العنزي

الحب أجمل شعور بالحياة وانبل شي ومافيه انسان ما حب لان اللي ما يحب ماعنده مشاعر أنت أو أنتي صاحب السؤال أكيد تحب تحب أمك أبوك عائلتك بشكل عام أو الحب النوع الثاني وأحياناً تحب من طرف واحد وتعيش احساس صادق يختلف الحب من شخص لا آخر بس بالنهاية مافيه أحد ما حب .

أعجبني

0 تعليق

ليش ماتغفرين لاحد بيرجع لحياتك وتسامحينه

مجهول

منذ سنتين

أبتهال العنزي

السماح انا اسامح بالدنيا والاخره مو على شان الشخص على شان نفسي وعلى شان يوم القيامه ما اشوفه بس يرجع شخص لمكانته عندي مستحيييييييل ومن سابع المستحيلات مهما حاول الشخص لان الخطا اللي سوا ما يغفر واتمنى هالشخص ينسى أبتهال وانه عرفها لان مهما كان وصار ما راح ترجع تتقبله مثل ماكان ولا توقفون حياتكم على أبتهال لان ما راح ترجع وكلامكم أبداً ما يعني لها شي وعلى فكرا انا عارفه صاحب هالسؤال ولان قلت اسالؤ جاوبت عليك لا اكثر 🆎 الايموجي حقك المفضل بس أبي اثبت لك اني عرفت مين

أعجبني

0 تعليق