احساسك صح 😂 حقيقةً ما عمري خضت التجربه ربما مستقبلاً باذن الله 😅

غيري جوالك من عربي لي انجليزي ، عشان تقوي مهاره الاستماع تابعي افلام مسلسلات فلوقات اجانب برودكاست زي ( all ears English -English Tea -…) مهاره القراءه اقري كتب في Oxford bookworms فيه 7 مستويات من 0-6 يجي معاه cd واسئله في النهايه - وممكن تقري كتب وتدوني الكلمات الجديده عليكي تعرفي معاناها وتسمعي نطقها . احفظي كل يوم كلمات جديده وراجعيها اليوم التاني وبعدين خدي كلمات جديده تانيه اعرفي معاناها واتدربي على كتابتها واسمعي نطقها حتكوني حصيله كلمات كبيره وبالتالي حتسيري تفهمي الكلام وتعرفي تكوني جمل حاولي تتكلمي مع احد وتستخدمي الكلمات يعني يكون فيه محادثه فيه تطبيق (cambly ) وتطبيق (Grammarly) يصححلك اخطاء التعبير . نزلي تطبيقات والعاب بالانجليزي تستفيدي منها وتتعلمي بدون ملل ( تعلم الإنجليزية - wow search) In conclusion, my advice to you شاركي الي حولك صحبتك اختك تستفيدو من بعض . (لكل مجتهد نصيب ) اتمنى لك التوفيق 🤍

صراحة ماعندي جدول معين ما احب الروتين في الإجازه بس يكون عندي اهداف تفيدني وتبسطني. اقرا كتب انجليزي وعربي - اتفرج افلام مسلسلات - اسمع بودكاست- اخرج مع صحباتي واهلي - اسوي ماسكات بشره وشعر - اقوي الانقلش - دي ايام فضيله اشغليها بالقران والاذكار والتسبيح والصيام - احفظ قران - انمي مواهبي زي الكتابه - اتعلم لغه جديده - اتعلم طبخ - دحين نبا نسوي فعاليه المسبح 😂بما انو الجو يحتاج - كان نفسي ادخل نادي بس خايفه مع كورونا - نفسي ادخل دوره كيك😍 ممكن تشوفي اي موهبه وتنميها عندك يعني شي انتي تحبي وحيشغل وقتك ويغيرلك جو الخيارات كتير

ما بين الاتنين كل يوم يكون يكون فيه وقت مخصص اجلس فيه مع اهلي نتحاور ونتناقش ونلعب نقضى وقتنا مع بعض ولازم في يومي يكون فيه وقت لنفسي احب اقضيه لحالي في غرفتي ( اعطي كل ذي حق حقه)

ليه سموني رفاد لانو غريب ومو منتشر وعجب ماما اسمي معناه الرفد والعطاء وليا من اسمي نصيب في اني انسانه عطائي بلا حدود 😅❤️

صراحةً لا وماعندي شغف فيه بس صحبتي عرضت عليا اتصور وحبيت الفكره والصوره اخدت قلبي 😂❤️

الهدف منو ممكن اقول كلام ويأثر في احد - اترك بصمه خير في احد - اجاوب على سؤال وافيد بالمعلومات الي عندي ولو بقدر بسيط 😍😍

سؤال غريب من نوعه 😂 ولا احب نوع الاسئله الي اجابتها لا تحمل معنى من الفائده . ماعمري عديت كم خطيب جاني لانو الموضوع خارج الخطه حالياً مؤجل الي كم سنة باذن الله وماما ترفض بحكم عمري ودراستي بس عموماً يعني ما عمرنا استقبلنا احد ولا نزلت شوفه شرعيه لي احد . الشخص المناسب حيدق الباب في الوقت المناسب

قريبة من الاتنين بصراحه بس اميل لي بابا اكتر امكن لاني دلوعتو ( البنت حبيبة ابوها ) ولاننا نتشابه في بعض الطباع يعني يكون بيننا جلسات فضفضه وحوارات افهمو ويفهمني . لازم تخصصي وقت من كل يوم يكون جلسه معاهم وبينهم اسمعيلهم خلي لي نفسك دور بينهم وانتي حكيهم عنك قربيهم ليكي - شاركي في اي حوار وقرار يخص البيت - اقضي المهام الي يطلبوها منك سوي الاشياء الي ترضيهم- اعرفي شخصيه كل واحد فيهم عشان تتعاملي صح ادعميهم ب الاشياء الرومنسيه الي تكسر الحاجز بينكم احضان وحنان وبوسه في الراس وفي اليد - عبي طاقه التحمل عندك .

انا بشري يعني مو اسنان بس التخصص لسا ما قررت مو حابه استعجل فيه بعد ما ادرس كم سنه واخد نظره عن كل تخصص اختار ان شاء الله يعني حتوضح الرؤيه ايش التخصص الاحب لي قلبي والاقرب لي شخصيتي .