لا ، دخلتو لاني اشوف رفاد فيه اخترتو بحب وقناعه وكنت دائماً اقول انا لهذا الطب وهذا الطب لي . بس البدايه من كل شي صعبه جداً وعلى قد ما تكوني حاسبة حساب التعب على قد ما التجربه وحياة الواقع مختلفه الطب غيرني وغير روتين حياتي وبكل صراحه تخصص متعب دراسياً ومرهق نفسياً ياخد منك وقتك وحياتك واي شي جديد يدخل حياتك حيكون مستنكر الى ما تتعودي عليه ودا الوضع في اول ترم حياة جديده الترم التاني اتوقع الوضع يكون الطف واريح من باب التعود تكوني اخدتي نظره عن التخصص وجمعتي حصيله لغويه وفهمتيه اكتر . لكن زي ماليه سلبيات ليه ايجابيات تفوق السلبيات الطب تخصص شغف بحر من المعلومات يعطيك فكره عن كل شي بيسير في جسمك وحقيقي اشياء كتير ما نتخيلها تشوفي عظمه ربنا في ادق التفاصيل . واخيراً (مالذه الحلم ان كان سهلا؟) كل شي نتعب عشانو نفرح بوصولاً فيه نحس بقيمتو ربنا ما اختارك لي دا التخصص الا وانتي قده اعطاكِ القدره انك تتحمليه وتتجاوزي المصاعب الله لا يعطي اصعب المعارك الا لأقوى جنوده - لا اعلم علماً بعد الحلال والحرام انبل من الطب ❤️ فرحه اهلك واحبابك وفرحتك بنفسك حتنسيكِ سنين التعب والسهر .