كنت احب شخص حب نظيف وطاهر مافيه اي شيء يسيء لي او يمس اخلاقي وتربيتي سنه وشوي وانتظرته يصارحني بس ظل يلمح بدون مايقولها صريح وكان يشوفني امرض بسبب كتماني لمشاعري من مستشفى لمستشفى ولما تعبت صارحته وانا منهاره وقال لي انه ماراح يلقى شخص مثلي وان لو فكر يتزوج ماراح يلقى مثلي لين عدت سنه وزياده وفجأة بدون مقدمات قال لي ملكتي بكرا 💔 انهرت وبكيت ادري مايبغاني انا مو عديمه احساس بس انا زعلانه من نفسي زعلانه من شعوري زعلانه على كل لحظه سمحت لنفسي فيها اني اعطيه مساحه ما يستحقها ، حلفت لاتخطاه واساعد نفسي واتجاوزه وركزت بدراستي وقربت من الله اكثر وكنت احكي له عن كل اللي بخاطري كاني اكلم شخص قدامي تعالى الله عز وجل انه يكون زي البشر بس اقصد كأني متأكده انه يسمعني، وفكيت تعلقي وبعدها بمده قصيره انخطبت وتزوجت وكنت فعلا متخطيه بالبدايه واحب زوجي زي اي عروس ولازلت احبه ولو رجعت فيني الايام لاختاره مره ثانيه بس المشكله ان الشخص الاول يطرا علي كثير وقلبي يوجعني كل ما اتذكر كل ماشفت شخص حب احد وحارب عشان ياخذه قلبي يعورني على نفسي صرت مااحب الحب ولا هالشعور وامثله وليومك هذا احس داخلي مشروخ ونفسي مكسوره تخطيت الشخص بس ما تخطيت الوجع ماتخطيت شعور الذل والاهانه وهو يكلمني حاولت اسامحه بس مو قادره مو قادره حتى اوقف دعا بسبب جرحه طول وقتي ادعي ان الله يذوقه ماذوقني اياه بنفس الشده ونفس الوجع …

Anonymous