بأذن الله اجمعين يارب، م تيأسش وم تغبرش من الكلية سوا نجحت ولالا خليها على الله وانت اسعى والله على قد السعي تكون النتيجة موفق بإذن الله

هذا انسب حل ،وان شاء الله ربي يبعد علينا وعليك الشبهات ويفكنا الله من عيال وبنات الحرام

قضدك يخشن عليك البنات ف الخاص!!!!!!!!!!!!!!!!!!!!!!!!! وين جو البنت الثقيلة🥴?!!!! سمعتهن فالهباب اكيده!

ماتشوفي باس واحسن شي والله كليه نفكر كيف يمشن هالسنوات ونفتك منهم الواحد قعد ماعندش جهد يحضر اصلاً بس الله غالب مجبورين ، ومادورشي ياخدن سوك وسوي برضو وخلي اللي يحكي يحكي واللي يقول يقول مدام الواحد عارف روحه شنو وشن داير كلام الناس مش حيأثر فيه بكل ، حتى لما جاء سيدنا موسى لربي وقعد يشكيله من كلام الناس عليه وانه ساحر ودجال وانه كفروه ناجى ربي وقاله ياربِ كُفى ألسن الناس عني 💔. ربي قال له ي موسى ما كتبتُ هذا لنفسي ، يعني ربي جل جلاله يحكو عله ويلعنو ويسبو فيه والرسل طنوهم يبو يخلو خالد ولا يخلوك انتِ في حالك مستحيلل😂💔. الواحد يحاول بقدر المستطاع انه يتجنبهم بس ولعله الله يحدث بعد ذالك امره ي نجحنا ومعش نحظرو ي نقلنا لأي تخصص اخرى

ان شاءالله تو نحطه حظر كان ماصار شيء لانه بارد درجة نمشي فالكلية اها هذه شور فلان ومش عارف شنو الموضوع يضايق جداً انه الشباب يقعدو زي البنات يشيرو لالا راه شور فلان لالا مش عارف هك غلط انا مليت منه هو مش معاي فالكلية كنت نقرا معاه ف مركز تقوية في ثالثة ثانوي لكن يجي ويحكي مع الشباب اللي معاي ويمشي والله م نعرفه ، تو نديرله واحد من الحلول هذين م وفقش تو نعطيه لخوتي وخلاص لانهم عارفيني م نديرش الغلط شكرا خالد ع نصيحه🌷

توبيخ بطريقة ادبيه ! قوليله هكِ يا فلان انا هكِ وهكِ وهكِ وبعدين حطيه فالحظر ساهله ، او ديري انك مخطوبة او متجوزه + انا درت هكِ عشان نفتك من سريب البنات اللي يمثلن فالشرف واني ميت عليهن ولو تشوفي الخاص والصارحني بتاعي كيف يدحنسن✅🔥

ثاني شي نقنك صدقت والله انا بروحي شلة بعدت عنها شباب علاقات الفاض اعوذ بالله، انت احسن حاجه انك غام عليهن ولاباس على'عينك'

به معليش سؤال، لو كانت البنت مالهاش في جو الشباب بكل بالاحرى م تحبش تحكي معاهم، وفي واحد بارد ساكنلها يخش عليها فالخاص ديما وهي تحذف وبعد فترة يرد شن تديرله هذا، انا خايفه يخربلي سمعتي فالكلية للن استغفر الله انا والله م نحكي مع الشباب لان حرام ومانبي دعائي يمنع استجابته ولا نتعذب ومانخش الجنة على خاطر وجهه!! شن ندير

وحاجة اخرى ، حشاك قاعدات سيرتهم ع كل لسان ونا اي شي عليه دعاك مايلفتنيش بكل فهمتي توا عليش الكرهه هذا ✅