مس [نانا "الغالية"] أنا مش بكتبلك الرسالة دي علشان واجب أو مجاملة، لكن لأنك تستاهلي كلمة طيبة تفرّح قلبك زي ما فرّحتينا، ووقفة تقدير وسط كل تعبك وصبرك علينا. أحيانًا الكلمة بتكون بسيطة، بس تأثيرها كبير، وعلشان كده حبيت أقولك: شكرًا من قلبي، لأنك مش بس مُدرسة، إنتِ إنسانة عظيمة، بتحبي شغلك وبتحبي اللي حواليك، وده باين في كل تفصيلة بتعمليها. وجودك في حياتنا فرق كتير، علمتينا مش بس دروس في المنهج، لكن دروس في الاحترام، والحب، والصدق. دايمًا بشوفك جميلة، مش بس في شكلك، لكن في قلبك وطريقتك واهتمامك بينا. أنا بفتخر إني طالبة عندك، وبحبك جدًا، ويا رب دايمًا تبقي بخير ومبسوطة، زي ما بتخلي قلوبنا تبقى مليانة أمل كل يوم. من قلبي… شكراً ليكي يا مِس ❤️
1 day ago
Nana
رسالتك دي أثلجت صدري وفرحتني جدا في الوقت ال كنت متوقعه فيه رسايل زعل وعتاب ولوم علشان امتحان الفيزياء
يشهد الله أني عملت أقصى ما بوسعي ويارب مكونش قصرت مع حد ،، أنا مبسوووطه جداااا بكلامك وتحليلك الجميل لشخصيتي ،، أسأل الله العظيم أن يرزقك سعادة الدارين وطمأنينة لا تفارق قلبك …. اللهم آمين❤️❤️❤️❤️❤️❤️❤️❤️
استاذتي الفاضلة ...انا كنت طالب عند حضرتك في سنة تالتة ثانوي السنة اللي فاتت صحيح رحت عند حضرتك متأخر يادوب في نهاية السنة والمراجعة بس ندمت اني مكنتش من طلابك من أولى ثانوي كنت بضيع وقتي عند ناس تانية متستحقش عايز اقولك ان شرحك جميل اوى وتحفة وافضل شرح شوفته واحسن من كبار معلمي الاون لاين بدون مبالغه بجد انا حضرت المراجعه فلما كنتي بتراجعي الفصول كنت بتحسر ان مكنتش معاكي من الاول بس الحمدلله لميت مع حضرتك المادة في المراجعه وجبت ٦٠ / ٦٠ والحمدلله انا جبت ٩٥% طب بني سويف كله بسبب مجهوداتكم وتعبكم معانا بعد فضل ربنا جزاكِ الله خيراً استاذتي الفاضلة ❤️❤️
1 month ago
Nana
ماشاء الله تبارك الرحمن
ربنا يحميك ويحفظك واشوفك اشطر دكتور
كل مدرس اخدت منه معلومة أكيد استفدت منه .. كلنا بنكمل بعض .. وكل جهودنا معاك بدون توفيق ربنا وبدون تركيزك ومذاكرتك وتعبك ملهاش قيمه .. الحمدلله انك قفلت الفيزياء .. ربنا يزيدك من فضله ونشوفك دايما من المتفوقين .. وشكرا على كلامك الجميل الراقي ❤️❤️❤️🌹
اللهم إني أسألك بكرمك ولطفك أن يملأ قلبك بالفرح والسكينة، وأن ييسر لك أمورك، ويكتب لكِ التوفيق في كل خطوة تخطيها. اللهم اجعل أيامكِ مليئة بالخير والبركة، ويحفظك من كل سوء، ويبعد عنك الهم والحزن.و يرزقكِ يا الله سعادة لا تزول، وقلبًا مطمئنًا بذكره، وراحة بال تدوم. اللهم اجعل دربكِ مُضيئًا بنوره، واملأ حياتكِ حبًا ورضا. اللهم آمين.
2 months ago
Nana
اللهم امين امين آمين يارب العالمين جميعا يارب
جزاكم الله خيرا كثيرا 💙💙💙
ممكن تبعتلها الدعاء ده: "اللهم احفظ معلمتي الغالية، وبارك لها في صحتها وعمرها، وأرزقها سعادة لا تنتهي، وراحة بال تملأ قلبها. اللهم اجزها عنا خير الجزاء، وأكرمها بفضلك، وحقق لها كل أمنياتها، واجعل كل تعب تبذله في ميزان حسناتها. آمين." هتكون دعوة جميلة تدخل الفرحة لقلبها!
2 months ago
Nana
اللهم امين يارب العالمين
جميعا يارب .. سلمت يداك وقلبك وتقبل الله منكم الدعوات الجميلة دي ويسعد قلبك يارب زي مادخلت السرور علي قلبي ويطمني عليكم .. اللهم آمين 💙💙💙
طبيعي تحتاج وقت بعيد.عن الناس والدوشه مفيش مشكله لو حسيت بالاحباط أحيانا ده حاجه بتمر علي كل الناس كل واحد فينا بيحتاج وقت يقعد فيه لوحده علشان يرتب أفكاره ويروق بس هل ياترى هتتطلع بحاجه بعد ما تفصل ولا هتبقي زي ما انت 😟 طبيعي تلاقي مزاجك متقلب بين الفرح والحزن بدون سبب طبيعي تحس بالتعب حتي لو عملت مجهود احيانا بيكون ضغط نفسي مع ضغط شغل فيه كل بيبقي عليك تراكمات وبتحس إنك خلاص مش قادر تكمل ولا تشوف حد ولا تشتغل بتفضل السكوت علشان تفصل من الدوشه اللي جواك اللي مش بتخلص
3 months ago
Nana
السكوت افضل في كل الحالات والله
معلمتي العزيزة، شكراً لأنكِ علمتينا ليس فقط من الكتب، بل من الحياة ذاتها. شكراً لكِ يا معلمتي، فقد كنتِ الدافع وراء كل نجاح وإنجاز في حياتي الدراسية. معلمتي العزيزة، شكراً من القلب على كل ما قدمتيه لنا. كل كلمات الشكر لا تكفي للتعبير عن امتناني لكِ، معلمتي الرائعة?✨
3 months ago
Nana
لا شكر علي واجب .. الشكر لله وحده .. شكرا جدا على كلماتك الرقيقة .. اسعد الله قلبك الجميل ❤️❤️🌺
وإني أراكِ بعين قلبي جنةٌ، يا من بكِ مرُ الحياة يطيب. عيناكِ وحديثكٍ وابتسامتك، أشياء جعلتني أفتن بحبك، للحد الذي لا أريد أحدًا بعدكِ. وأي جمالٍ بعد عينيكِ يذكر. ونصفكِ كافورٌ، وثلثكِ عنبرٌ، وخمسكِ ماء وردٍ، وباقيكِ سكر. دمتِ لي شيئًا جميلًا لا ينتهي مهما طال الزمن. ابتسامتك الأعجوبة الثامنة، وأما السبع السابقات فكلهن أنتِ.
4 months ago
Nana
🤩😍 الكلام دا كبير جدا فوق مستوى قلبي الصغنن 😅
جميلة انتي كأنك خلقتي من غصن ورده. الورد يأخذ من أوصافك جمال ولا الورد لا لمح الورد جمالك ذبل. أنت طلة جميلة، تبهر كل الناظرين، يا ليتني أول وآخر الناظرين إليكِ. متميز بين الجمال جمالكي، وجمالكي فوق الجمالِ جميلا. لا تقارني نفسك بأحد، أنت لم يخلق لكي شبيه، ولم تخلق أنثى تحمل قلبًا يشبه قلبك، ولا جمال كمثل جمالك، كوني دومًا واثقة من ذلك.
4 months ago
Nana
دانا كدا هتغر واشوف نفسي على الباقيين ☺️😊😇❤️❤️
© 2025 صارحني - sarahah. All rights reserved.
Likes
Report
Likes
Report
Likes
Report
Likes
Report
Likes
Report
Likes
Report
Likes
Report
Likes
Report
Likes
Report
Likes
Report