امم اوكي، خلكم ع طبيعتكم ولا اتدورون الكمال عشان ترضون حد اللي يباكم بيتقبلكم وبيحبكم بكل عيوبكم وبتحاولون ويا بعض تغيرون العيوب. عمركم لا تندمون ع قرار خذتوه ولكم وجهة نظر فيه، لا تخلون حد يأثر عليكم ويحاول يغير قناعاتكم دامكم مقتنعين فيها. مخاوفكم من المستقبل وتفكيركم الزايد وكلوهم لرب العالمين وهو بيتكفل بترتيب كل شي. اخلقوا لنفسكم جو حلو سووا الاشياء اللي تحبونها وابتسموا في ويه الناس اللي يكرهون يشوفونكم مستانسين، خلوها عاده وابتسموا لكل عابر في حياتكم. لا تتسرعون في احكامكم عالناس ومهما كان لازم تسمعون من الطرفين. اذا غلطتوا في حق حد اعتذروا، اذا حبيتوا بادروا، واذا كرهتوا ابتعدوا بهدوء. اتذكروا ان الدنيا ما تسوى وكلنا عابرين فيها، واليوم اللي بنموت فيه نحتاج حد يذكرنا بالخير ويدعيلنا.