لجل عين تكرم مدينه ، الثقه اساس كل علاقه سواء صداقه او زواج او اهل ومن وجهه نظري اذا انهزت حتضعف العلاقه وتوتر لانو الشك والخوف حيتخللها حلو لمن نعطي شخص الامان يكون قدو ويحس ب المسوؤليه بالنبسه لي علاقتك مع اهلك اهلك اعطوكي بكل ما اتاهم الله من قوه ف ما اتوقع في شي تسويه يستاهل تضيعي ثقتهم من ابسط واجباتك انك ترفعي راسهم تكوني دايماً في صورة افضل من الي راسمينها المسأله مسأله تعود لانو المضموع مستمر ثقه اهلك وبعدين ثقه زوجك وبعدين حتكوني قدوه لي اولادك الشي الي يحكون فيكي حتزرعي في اولادك لو انتي متعودة على الثقه حيكبروا على دا الشي ويتوارث بينكم ف حلو الواحد يحسب حساب خطواتو في الحياة ويفكر بعلاقنيه وحكمه . في حال بدر غلط وهزت الثقه مو العيب في الغلط العيب في الي ما يصلح الغلط ويعترف فيه اول شي لازم الواحد يقتنع انو الي سار غلط والمفروض يتعدل ويعتذر يوعد نفسو والي حولينو انو يتجاوز الغلط ويطوي الصفحه والثقه حترجع تدريجاً لانو بطبيعة الإنسان نساي بس يحتاج وقت وصبر .