سؤال شنو فايدة الحساب لل100 اولويش؟
hace 5 años
لَبزولا
الحساب من ١٠٠لل١ يعني بالعكس
علمياً قريتها مره بكتاب انو تزيد من التركيز لان كاعد تتمرن انو تركز حتى متخربط بالحساب بالعكس ف هلشي يمرنك ع التركيز ويزيده
عجبي ع طلاب السادس !! يعني تأجيل سنه وحتلو تأجلت الصفوف المنتهيه ممشمولين ونمتحن لو مادري شيصير وسالفه تتقلص مواد انسووووووهااا لان موصل وغيرها محافظات من اجاهن داعش مو وراها امتحنو وحدهم ! ودوام وداوم شوكت يبدي وشوكت ندرس ليش اصلا من يجي دوام يعني احنه دوام وومعتمدين ع مدرسه مجرد نسوي حضور فقط لا غير وندرس ع يوتيوب شنو الي تغير بلعكس عطله وقت طويلللل من6 لل12بليل؟
hace 5 años
لَبزولا
حجيت الي بگلبي! .. هلنوعية من الطلاب يردولهم موضوع حتى يضيعون وقت ويلتهون! طول السنه يدورون عطله ومن تجي ميردوها! ... بس عموما اكو طلاب اعتمدت ع مدرسة وهسه ضايعين وواجبنا نوكف وياهم ونخليهم يشدون حيلهم و يتلاحگون لنفسهم❤️
بالبداية شكرا ع هل الطتقة الايجابية والاشياء الحلوة بحسابج انا متابعة جديدة ووو استمري وردة وشكرا مرة لخ ع هل المحبة + انا طالبة سادس عندي مشكلة بالحفظ شلون احلها او انسه شلوووووووون حتى صراحة مدا يصيرلي واهس ادرس ع كد ما انسه وها ادرس بتركيز لان من احجي واكول انسه يكلولي ادرسي بتركيز شالحل اسفة ع الاطالة! 😅
hace 5 años
لَبزولا
مابيناتنه شكر ❤️ هذا واجبي ..
انصحج بمنشورين بصفحتي
الاول ( اقره هواي وماجيب درجات زينه )
الثاني ( طرق فعالة للدراسة )
وعلمود تركيزج اذا تحسين صدك ماعندج تركيز يوميه اكثر من مره حسبي من ١٠٠لل١ بدون ما تخربطين او تكطعين واذا كطعتي عيدي من الاول وهكذا
اني صف ثالث شوكت تنصحيني ابدي اراجع للوزاري
hace 5 años
لَبزولا
حبيبتي غير من يعطلونكم؟ .. اقل شي قبل شهر من الامتحانات ❤️
مرحبا حبي اني طالبة ثالث و اريد اطلع معدل بالتسعين بس ممضبطه المواد و شتنصحيني اسوي بهاي الفترة"العطله"و شلون انظم وقتي بين الدراسه و باقي جوانب الحياة
hace 5 años
لَبزولا
حبيبتي عدلي نومتج ، رتبي اولوياتج ولكلشي انطي وقته واهميته ،، رتبي مهامج اليوميه من الاهم للمهم .. ابدي بدراستج وانهي الي عليج وهلشي لازم تسوين جدول وتخططين لشهر كامل حتى بكل يوم تعرفين شنو عندج .. وبعد متكملين دراستج روحي ع المهمه الي وراها وهكذا ❤️
كيف توازنين و قتك بين التلفون و الحساب و دراستج
hace 5 años
لَبزولا
اني اكعد ب ٥ صبح ! وانام ب ١٠ او ٩ هيج شي ...
ف ارتب اولوياتي واكدر اسوي كلشي ..
الصبحيه اكمل كل مهامي وانجزهم وبعدها باقي الوقت اليه ❤️
للعلم عدا الدراسة ممكن عندي شغل البيت او طلعة او اي شي ثاني بس هو لكلشي وقته
انا طالبة ثالث متوسط،اريد اطلع معدل بالتسعين وداابذل كل جهدي ودايما اسوي جدول وامشي عليه بس مشكلتي اضغط على نفسي كلش وبعدين اتعب ،،اريد تحجين عن البريك وشلون يصير ومدته وشلون الشخص يكدر يرجع من جديد يبدي بعد ماتعب او بالاحرى يرجع بشغف وبقوة للدراسة❇🥇
hace 5 años
لَبزولا
مبدئياً اذا جنتي منقطعة عن دراسة بسبب تعبج لتحاولين ترجعيلها بجهد عالي مراح تكدرين ... ابدي شويه شوية رفعي المستوى وحافظي ع مستوى واحد ! وهذا المستوى يكون مريح لا فدمره ذابه حيلج وتتعبين ولا فدمرة الوضعية عبالك مو طالبة .. بالنسبة للبريك يعتمد عليج أنـتِ اشوف نظرية البومودورو حلوة الي هي ( ٢٥ د قرايه ع اربع فترات و كل متخلصين ٢٥ تاخذين ٥ د ريست ) وبعدين تاخذين ريست نص ساعة وترجعين وهكذا ...
اريد حل فدوة اني داحاول بالكيمياء اريد درجه ب90 بس مستواي بالمراحل السابقه ب50 فشاسوي كحل سريع لنفسي +خايفة كلش والامتحانات صدگ ب8
hace 5 años
لَبزولا
شوفي الدرجات الوزارية ع كل فصل + كل موضوع واقري وركزي ع هلاساس ... اعتمدي ع مهند كلش كلش زين ... الامتحانات تتاجل بس نسبة ضئيلة توصل للثامن بالزايد بالزايد نهايه ٧
حبي باعي اني مستوايه بالسادس زفت وكولش خايفه احس نفسي متاخره كولش ومالحگ اسوي شي وبنفس الوقت اني م اريد اعيد سنه
hace 5 años
لَبزولا
مستواج زفت حسني ؟
اشتغلي ع نفسج عندج مدة كلش كافية تبدين من جديد وتلحكين تطلعين من السادس بمعدل زين وتدخلين تخصص !
الخوف حجيت عليه البارحة وياكم لايقدم بس ياخر!
ف اتجبني الخوف ... وخلي عدج ثقه بربج وبنفسج ابدي
صباح الخير ❤🌺اذا امكن اي شخص عنده جدول دراسه يومي خ يدزه
hace 5 años
لَبزولا
ما انصح ب احد ياخذ جدول يومي جاهز ، كل انسان عنده وقت وكعدته صبح ونومته بالليل ، وحسب هو شوكت يستوعب ، وقابليته بكل ماده .. الافضل قسم وقتك ويومك مثل متحب واستعين ب الي نزلته عن الجداول
© 2025 صارحني - sarahah. Todos los derechos reservados.
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe
Gustos
Informe