Rosy | صارحني

السؤال الحمضان اللي جالي تلاتين مره،، معئداني ليه بس 😂 لا مش معقداني ولا حاجه بس ليه لازم ابقي مرتبطه اصلا؟ ليه لازم يبقي هدف من اهدافي ان يبقي فيه راجل في حياتي؟ افرض انا مش مهتمة بالموضوع حاليا ومركزه في حاجات اهم مثلا؟ او مفيش حد اعرفه شوفت انه مناسب او اتشديتله؟ عموما انا اتغيرت واولوياتي اتغيرت وبقيت ناضجه اكتر في مشاعري وانا بطبعي اصلا مابحبش بسهوله نهائي ولا بدخل في اي علاقه بسهوله لاني شخص committed و loyal اوي وبقدم حاجات مايتخيلهاش عقل علشان اشوف الشخص اللي معايا مبسوط ومرتاح وبفضل الشخص اللي بحبه علي نفسي اصلا فلو اختارت حد وطلع غلط هتدبس😂 فهي مش اي هوبا وخلاص ، انا اصلا بستغرب اوي الناس اللي بيعرفوا بعض ويحبوا ويرتبطوا في شهرين تلاته دول كانهم لما صدقوا اي حد وخلاص، قرار الارتباط دا كبير ولازم يتاخد بعد وقت ومعرفه كبيره بالشخص اللي قدامك علشان ماتلبسش في لعنة انبهار مؤقته وتلاقي نفسك متدبس مع حد مابتحبوش حب حقيقي، حد ارتبط بيك لمجرد الارتباط وكان ممكن يعمل نفس الحاجه مع اي حد مكانك بسهوله عادي بس انت اللي جيت في سكته وخلاص مش علشان انت مميز مثلا. فانا اولويتي حاليا شغلي وتركيزي و وقتي كله لشغلي حتي دايره صحابي الفتره اللي فاتت كانت ابتدت تكبر جدا فانا قللتها وبعدت عن ناس كتير و نزولي وخروجاتي بقت اقل لاني حاطه تركيزي كله في حاجات اهم دلوقتي لحياتي ولنفسي دا غير اني كل يوم بعقل اكتر والدنيا بتعلمني حاجات كتير ففكرة اني فصلت ومديه تركيزي لحاجه غير القصص دي حاليا مش معناها اني معقده يعني😂 يارب القصيده اللي انا كتبتها دي تكون اجابه كافيه ويكون مبدأي اتفهم والسؤال دا مايجيش تاني😂

1

0 Commenter