اول شي لازم تعرفي ايش سبب التغير عشان لو كان سلبي ممكن الواحد يقدر يعالجوا مو المهم عدد الصحبات الي في حياتك على قد مو مهم انهم يحبوكي ويتمنولك الخير ويوقفو معاكي في الأحزان قبل الأفراح وقبل كل شي الصحبه الصالحه معاشرة الصالحين تصلحك وجود الصحبات في الحياة شي مهم كيف تكوني صداقات من الجامعه - او صحباتك الي كانو معاكي في المدرسه . تتعرفي عليهم ازا حسيتي انك شخصياتهم ناسبتك وانبسطتي معاهم كوني علاقه وشويه شويه حيكبر مجتمعك الله يرزقك خير الصحبات ❤️

انا ما عندي محاضرات 😂😂😂 مين قال لو تعرفي انو حتى ينزلولنا محاضرات عوض عن اجازه اليوم الوطني الي ما اخدنا فيها محاضرات ونختم الوكيند بمحاضره برضو . اروح الجامعه كل اثنين واخد ٤ كلاسات عملي والاحد والثلاثاء والاربعاء والخميس تنزلي محاضرات تقويباً كل يوم ٤ محاضرات ويكون عندي لايڤ ساعه او ساعتين كل يوم في ماده مختلفه لو كان عندنا سؤال .

بدايتاً الله يوفقك الطب لغه ممزوجه ما بين الإنجليزي والاتيني تقوي لغتك بشكل عام : اقرا كتب وترجم الكلمات الي الجديده واحفظها واتدرب على كتابتها - اسمع عشان تتعود على الأكسنت( افلام - مقابلات - بودكاست ) الجانب الي تفضلو- في برامج تقوي لغتك وفي نفس الوقت ممتعه زي cambly - الكتب زي Oxford bookworm فيه 7 مستويات - حاول تحفظ كل يوم ٥ كلمات جديده وجرب تكتب فيه برزنتيشن لو من سطرين . اما انجليزي الطب ف صراحة كنت احب احفظ مصطلحات طبيه قبل ما ادخل طب زي العظام والعضلات والمفاصل والاربطة والاوتار بالانجليزي تفيدك وتسهل عليك الدراسه في اول اسابيع في دراسه الطب حسيت بضغط مصطلحات كتير كلو انجليزي ولاتيني كيف ممكن احفظهم وما انساهم المساله تعود كل مصطلح حيتكرر اكتر من مرا ذاكر اول ب اول وترجم واحفظ اي مصطلح جديد ودونو في ورقه وراجعهم كل يوم ومع التكرار حتحفظهم وحتسهل الدراسه باذن الله في بدايه الرحله قاعد تكتسب لغه جديده وبتجمع مصطلحات بعد فتره حتسير تعرفهم بالانجليزي وناسي ايش اسمهم بالعربي كل ما عرفت كلمات انجليزي كل ما زادت حصيلتك اللغويه اتمنى اكون افدتك .

نفسي تستحق الحب ونفسي لا تهون علي ❤️ الثقه بالنفس جانب يعزز في الإنسان .

علاقتي مع ربي دعم اهلي وصحباتي خيالة في ميدان الحياة ( الأجتهاد على النفس وتطويرها ) حياتك اختياراتك احنا الي نحدد اطار حياتنا واحنا الي نحدد مكاننا فيها او ب الأصح مين نبا نكون وايش البصمه الي حابين نتركها سواء على نفسي او على اهلي وصحباتي وحتى بصمتي في المتجمع كلنا قادرين نبني نفسنا ونكون في المكان الي احنا نتمناه بس الموضوع يحتاج عزيمه واصرار ومحاوله مستمره تدريب مكثف و اخيراً صبر التعب يزول لمن تكوني راضيه عن نفسك وحاسه بالانجاز فخوره بنفسك لمن تحسي انك تستاهلي المكان الي انتي فيه وكان حلمك قبل فتره من الزمن . ( فالمجد للساعين لا الخاملين القنع ) رائي الثاني المستقبل لا ينحصر على العلم والدراسه فقط كلمة المستقبل تعني معانِ كثره روحي بما اسقيتها اعضائي فيما شغلتها طاقتي فيما افنيتها وصفيحتي فيما ملأتها .by me ❤️

كبر دماغك ٧:٤٦ الرقص مع الحياة ابق قوياً غداً اجمل المرحلة الملكية

سنه تحضيري و٥ سنين طب عام والسنه السابعه تدريب في المستشفى سنه الإمتياز وكدا التوتل ٧ سنين طب عام بعدين تحدد السنين على حسب اختيارك لتخصص طب الأطفال ٤ سنين و طب النساء والاولاده ٥ سنين وكدا طبيبه متخصصه بعدين تخصص دقيق يعني مثلاً في طب الأطفال تخصصي تخصص دقيق( مرض السكري في الأطفال) سنتين تقريباً بعدين تدرسي استشاريه قد الدنيا😂

الإحساس في مكانو 😅 حساسة جداً وشخصيه بقلب رهيف وخواف وبكايه شويه بس 😂 الطب هوا الطريق الوحيد الي حيتغلب على كل دي الأشياء ومرة على مرة اتوقع اني حتعود وخصوصاً لمن انزل بعد سنتين المستشفى واتدرب على حالات باذن الله مرة خوف ومرة بكا ومرة اغماء ومرة في قلب غرفه العمليات 😍دكتوره ناجحه .

حاضر ما طلبتي شي 😂😂 تجربتي في اول شهر كانت وبكل شفافية خوف وشغف وضغط دراسه وحياة جديده حقيقي حسيت انو الطب صديق جديد قاعده اتعرف عليه عشان اعرف اتعامل معاه كنت دايماً اسمع عبارة لا تدخلي طب الا وانتي حابتو ومقتنعه فيه عبارة صحيحه الطب تخصص لو ما حبيتيه محا تزبط امورك لانو يحتاج وقت ومجهود ويغير جزء من حياتك او روتينك او ب الاصح يقيد مواعيد خرجاتك بحكم الدراسه كانت فتره غريبه بمشاعر ملخبطه بس حاولت اتعود وبكل حب الطب تخصص بحر من المعلومات واسع جداً بلغه جديده منبهره من عظمه ودقه خلق الله سبحانه وتعالى البدايات صعبه بس النهايات سعيدة ومشرفة باذن الله التعب يزول ونتائجه تبقى ربنا ما يحطك الا في المكان الي يناسبك وتكوني قادره عليه .

انا انسانه احب استمتع في كل مرحله من حياتي واعطي كل شي حقو و بالنسبه ليا كل شي في وقتو حلو وكل شي نصيب ومقدر من ربنا افضل الزواج في سن ٢٤-٢٥ في اواخر سنين الطب بدايه العشرين عمر الزهور واكتشاف الحياة عمر الإستمتاع بملذات الحياة عمر الشغف في العلم وتطوير الذات . الدعوه الاحب لي قلبي يارب الشخص المناسب في الوقت المناسب زوج صالح وذريه طيبه وحياة سعيدة يحفها الرضا وراحة البال 🤍🤍