سوالف ابي تنزل قصتي ماعليك امر لعل وعسى ألقى حل لان تعبت والله حيل تعبت مو شويه ، السالفه طويله شوي سامحوني اذا تعبتكم وياي بس احتاج منكم حل السالفه ومافيها عشت قصه حب ، حب كان بمعنى الكلمه حب نظيف وعشره مو سنه مو ستنين ولا ثلاث حتى اكثر بواجد كنت له اقرب له حتى من امه وخواته تحملت كل شي من غيره من لبسي جذي ولا تلبسين جذي من هالمكان ماتروحين له وغيره ، ومن واحنا مراهقين لين قبل فتره اللي حصل ان كل ماجاني احد يخطب بصفه ان ابوي معروف بالديره ويجون ناس وزينين حيل يعني رفضت بأسباب تافهه جداً علشانه و انطره اللي صار قبل تقريباً شهرين قلت له متى لان حيل طولنا وصار الاغلب يتكلم شفيها ماتقبل وجذي ضيع السالفه نفس كل مره يسويها وسحب حيل مو شويه الغريب بالموضوع يقول انا ما اتزوج بنت كنت اكلمها مع انه متأكد الف بالميه ان بس اهو اللي كلمته والله حتى بغيابه ما افكر والله حتى بالدوام ما اتجرى احط عيني بعين واحد معاي بالدوام عشانه خايفه ع مشاعره واهو مو موجود المراد صار لنا قريب الشهرين بيننا بس سلام ومني بعد ما يبادر اهو الا مره ولا مرتين تخيلوا !!
il y a 5 ans
sowalf10
اسف مانزل قصص بنات
السلام عليكم ياشباب بغيت نصيحتكم انا حبيت وحده بجنون اعترف اني اذيتها من كثر ما اغار واشك فيها واجذ لاني خايف حيل تكون مثل البنات اللي عرفتهم قبل كانو رخيصات بس هالبنت خذت قلبي وابيها زواج بس ناطرها تتخرج هالكورس بعد شهر تخرجها لكن خلتني قبل اسبوع وقالتلي كلام قوي كسرت فيني حيل ومالومها اذيتها وادري الغلط راكبني ومايترقع كانت متحملتني سنه و٣شهور كل ماطلبت منها شي سوته عشان اثق فيها وكانت تسعى لهالشي وتقول اكره الشكه بس لاني احبك بسعى اني اخليك تثق فيني وتحملت واجد اذا اختفت عني ساعه اخليها تكبجر واخليها تصورلي كم مدة استخدام الجهاز والبرامج ودايم اتفشل ماعمرها خذلتني بس مااااني قادر اوقف شكه والله من كثر حبي لها كرهتني وقالتها بوجهي انها تكرهني حيل بسبب اطباعي وسبتني لاول مره وقطت كلام كبيو بحقي لدرجة عزت علي نفسي اراضيها ماقدر هانتني بس ابيها ليه ماصبرت اتزوجها ليه ماتحملت اطباعي اللي يحب يتحمل انا ابيها ومن دشت حياتي وانا مكرس كل وقتي لها اقسم بالله تغيرت حيل من عرفتها مابي غيرها وشاريها بس اخاف ادش اراضيها وتصدمني انها عايفتني والله اني خايف حيل شتشورون علي ؟ ادش اراضيها ولا انطر تخرجها واخطبها رسمي ؟ وان سويت الخيار الثاني ورفضتني بسبب اطباعي والله اموووتتتتتتت قهررر جد مدري شسوي !
il y a 5 ans
sowalf10
نزل
ياشباب ساعدوني انا مشكلتي تقريباً مثل مشكلة خوينا اللي انعجب بام زوجته انا اخوي متزوج وزوجته ماشاءالله جميله ومزيونه وكل شي فيها حلو اهي ضحكه اهو اسلوب والله مرات اخوي يكون محجوز تطلب مني شغلات والله اني ما ارفض لو بعد نومي اقعد ياجماعه احبها والله وانا بعمرها في حدود بيننا بس انا خايف على اخوي اخسره مايدري اني ميت موت على مرته احاول اصادفها واحاول قد ما اقدر اني اكرهاا بس عاجز يا اخوان تعبت
il y a 5 ans
sowalf10
نزل
اخوي الغالي جيتك وانا والله صاكه بوجهي الدنيا مالي غير اني اجي كني مجهول انا ياطويل العمر نفس الباقي حبيت وحده وعشقتها وطلعت معاها وكبرتها وعشت معاها نص عمري والله كبرت قدامي من يوم مادخلت اول ثانوي لين ما الحين توظفت وعلاقتي معاها كبيره كبيره كبيره ومو سنه ولاسنتين ولاثلاث لكن في مشكلتين المشكله الاولى انا مليون مره طالع معاها وباختصار صار بينا شبه الزنا انا ماجيت بمجهول عشان تقعدون تسبون ادري غلطت لكن حطو نفسكم مكاني انت وانسانه تحبها بمكان واحد شبتسوي المهم السالفه ماصارت بالضبط يعني البنت عذرا والمشكلخ الثانيه هي من يوم مادخلت الكليه واكثر من واحد جاي يخطبها وترفض وتقول لي تحرك اخطبني لان اهلها بيشكون فيها ليش ترفض بس انا قبل كل شي موكويتي والبنت كويتيه بس عايش بالكويت ومواليد الكويت ويوم فتحت الموضوع مع امي وابوي ضغطوني وقعدوا يقولون اذا رحنا لهم بيردونا ولاتفشلنا وامي تبيني لبنت خالتي بس انا مابيها والبنت الحين تقولي اذا ماراح تخطب بروح بحال نصيبي مابي صير شجاع واخطب انا ماحب انكسر ولا احب انرد قدام اهلي وقدام الكل لان اهلي بيقعدون يقولون دايم فشلتنا يوم وديتنا لهم وردونا وكلام ماله اخر
il y a 5 ans
sowalf10
نزل
السلام ، انا احب شخص و متقدملي بس ابوي مصعب الموضوع و مو قعد يوافق بسبب اختلاف المذاهب وانا الانسان شاريني و انا مستحيل اعيش بدونه و ابيه بالحلال شسوي ؟ في جهة معينه تقدر تتدخل او شيوخ يقنعون ابوي او اي فكرة ثانيه ؟ لان تعبت نفسيتي و مابي اخسر الي احبه و مابي اخسر اهلي 💔💔
il y a 5 ans
sowalf10
الله يكون بعونج اختي لكن مانزل قصص بنات
© 2025 صارحني - sarahah. Tous les droits sont réservés.
Aime
Rapport
Aime
Rapport
Aime
Rapport
Aime
Rapport
Aime
Rapport
Aime
Rapport
Aime
Rapport
Aime
Rapport
Aime
Rapport
Aime
Rapport